.gif)
 (1).png){kind=logo}
.png)
मन्त्री कुलमानले गरे बिपी राजमार्गको निरीक्षण
काठमाडौँ : भौतिक पूर्वाधार तथा यातायात मन्त्री कुलमान घिसिङले बिपी राजमार्ग र मध्य पहाडी राजमार्गसहित आसपासका सडक तथा पुलको निरीक्षण गरेका छन् ।
सहरी विकास र ऊर्जा, जलस्रोत तथा सिँचाइ मन्त्रालयको समेत जिम्मेवारी सम्हालेका मन्त्री घिसिङ दसैँ बिदाको अवसरमा सम्बद्ध मन्त्रालयका प्राविधिक तथा उच्च अधिकारीलाई साथमा लिई स्थलगत निरीक्षणसहित निर्देशनमा निस्किएका हुन् ।
उनले बिहीबार काभ्रेपलान्चोक, सिन्धुली र रामेछाप जिल्लामा पर्ने महत्त्वपूर्ण सडक खण्डका बिग्रे भत्केका भौतिक संरचना र अलपत्र अवस्थामा रहेका पुल तथा पूर्वाधारहरूको निरीक्षण गरी सम्बद्ध अधिकारीहरूलाई आवश्यक निर्देशन दिएका हुन् ।
सङ्घीय राजधानी काठमाडौँबाट बिपी राजमार्ग हुँदै गृह जिल्ला रामेछाप पुगेका मन्त्री घिसिङले बिपी राजमार्गसहित खैरेनी घाटको पुल र निर्माणाधीन मध्य पहाडी लोक मार्गको कार्य प्रगतिका वारेमा जानकारी लिएका थिए ।
