.gif)
 (1).png){kind=logo}
.png)
रवि लामिछानेको मुद्दा पूर्ण इजलासमा सुनुवाइ हुने
२०८२ चैत १५ आइतबार १६:५८ बजे
काठमाडौँ : राष्ट्रिय स्वतन्त्र पार्टी (रास्वपा) का सभापति रवि लामिछानेको मुद्दा सर्वोच्च अदालतको पूर्ण इजलासमा सुनुवाइ हुने भएको छ।
सर्वोच्च अदालतका न्यायाधीशद्वय विनोद शर्मा र अब्दुल अजीज मुसलमानको संयुक्त इजलासले उक्त आदेश दिएको सर्वोच्च प्रशासनले जनाएको छ।
गत पुस ३० गते तत्कालीन महान्यायाधिवक्ता सविता भण्डारी बरालले लामिछानेमाथि सहकारी ठगीबाहेकका सम्पत्ति शुद्धीकरण र संगठित अपराधका मुद्दा फिर्ता गर्न सम्बद्ध जिल्ला सरकारी वकिल कार्यालयलाई पत्रमार्फत निर्देशन दिएकी थिइन्।
उक्त निर्णयविरुद्ध युवराज पौडेल, वरिष्ठ अधिवक्ता दिनेश त्रिपाठी र अधिवक्ता आभास रेग्मीले सर्वोच्च अदालतमा छुट्टाछुट्टै रिट निवेदन दायर गरेका थिए ।
