.gif)
 (1).png){kind=logo}
.png)
आगामी निर्वाचन लक्षित मतदाता नामावली सङ्कलन नहुने !
काठमाडौँ : सरकारले आगामी फागुन २१ गते प्रतिनिधि सभा निर्वाचन आयोजना गर्ने निर्णय गरेको छ। तर, उक्त निर्वाचन लक्षित मतदाता नामावली सङ्कलन नहुने भएको छ ।
निर्वाचन आयोगका अनुसार जसले भदौ २७ गतेसम्म आफ्नो नाम मतदाता नामावलीमा दर्ता गराएका छन् उनीहरूले मात्र आफ्नो मताधिकार प्रयोग गर्न पाउनेछन्।
निर्वाचन आयोगका अनुसार, यस पटक कुल १ करोड ८१ लाख ४८ हजार ६५४ मतदाता रहेका छन् । यो अघिल्लो प्रतिनिधि सभा निर्वाचनको तुलनामा ए लाख ६० हजार ५४ मतदाता बढी हो । तथापि, यो तथ्याङ्क गत फागुन महिनासम्मको भएको हुँदा केही थप मतदाताहरू नामावलीमा समावेश हुनेछ।
गत भदौ २३ र २४ गते जेनजी पुस्ताको आन्दोलनपछि पूर्व प्रधानन्यायाधीश सुशीला कार्की प्रधानमन्त्री नियुक्त भई शपथ लिई कार्यभार सम्हालिसकेकी छन्। नवनियुक्त प्रधानमन्त्री कार्कीले प्रतिनिधि सभा विघटन र आगामी फागुन २१ गते निर्वाचन आयोजना गर्ने सिफारिस गरेकी थिइन्।
निर्वाचन आयोगले पनि सरकारले घोषणा गरेको मितिमा निर्वाचन सम्पन्न गराउन सकिने जनाइसकेको छ । साथै आयोग निर्वाचनको प्रारम्भिक तयारी गरिरहेको छ ।
