.gif)
 (1).png){kind=logo}
.png)
१० दिनपछि सुरुङभित्रबाट दुई जनाको जीवितै उद्धार
काठमाडौं : रसुवाको भोटेकोशीमा १० भदौमा आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेका दुई जनाको १० दिनपछि जीवितै उद्धार गरिएको छ ।
खोजी तथा उद्धारमा खटिएका इन्जिनियर उदयराज न्यौपानेका अनुसार सुरुङभित्रबाट थप एक जनालाई जीवितै बाहिर निकालिएको हो । यसअघि एक जनाको जीवितै उद्धार गरिएको थियो । यससँगै सुरुङबाट जीवितै उद्धार हुनेको संख्या दुई पुगेको छ ।
सुरुङभित्र फसेका व्यक्तिहरूको खोजी तथा उद्धारका लागि नेपाली सेना र सशस्त्र प्रहरी बलको संयुक्त टोली परिचालन गरिएको छ । टोलीले सुरुङभित्र प्रवेश गरी खोजी तथा उद्धार कार्यलाई निरन्तरता दिइरहेको छ ।
यसअघि आज बिहान खोजी तथा उद्धारका क्रममा सुरुङभित्रबाट मानिसको आवाज सुनिएको संकेत प्राप्त भएको नेपाली सेनालाई उद्धृत गर्दै इन्जिनियर श्रीराम न्यौपानेले जानकारी दिएका थिए ।
सुरुङभित्र अझै केही व्यक्ति फसेको आशंकामा खोजी तथा उद्धार कार्य जारी रहेको छ । उद्धार गरिएका दुवै जनाको स्वास्थ्य अवस्थाबारे थप विवरण आउन बाँकी छ ।
