.gif)
 (1).png){kind=logo}
.png)
कृषि उत्पादन गरेर वर्षैभरि खान पुग्ने परिवार ४५ प्रतिशत मात्रै
२०:३२ बजे
काठमाडौं । कृषिप्रधान देश नेपालमा कृषि उत्पादन गरेर वर्षैभरि खान पुग्ने परिवारको संख्या ज्यादै कम रहेको पाइएको छ ।
कृषि उत्पादन गरेर वर्षैभर खान पुग्ने परिवारको संख्या ४५ प्रतिशत मात्रै रहेको कृषि गणना ०७८ को तथ्यांकले देखाएको छ ।
बिहीबार सार्वजनिक सातौँ कृषि गणनाको तथ्यांकअनुसार ३९ लाख ९९ हजार परिवार खेतीपातीमा आबद्ध छन् भने एक लाख ३२ हजार परिवारले पशुपक्षी पालन गरेका छन् । ०६८ को छैटौँ गणनाअनुसार ३७ लाख १६ हजार परिवारले खेतीपाती गरेको र एक लाख १६ हजारले पशुपक्षी पालेका थिए ।
अहिले यो परिवार संख्या बढेको पाइएको हो । राष्ट्रिय कृषि गणना ०६८ मा २५ लाख हेक्टर कृषियोग्य जमिन थियो । हाल २२ लाख हेक्टर मात्रै कृषियोग्य जमिन छ । कृषिगणनाअनुसार कृषक परिवारको संख्या बढे पनि कृषियोग्य जमिन भने घट्दै गएको देखिएको छ ।
