.gif)
 (1).png){kind=logo}
.png)
वीरगन्ज भन्सारले भदौमा उठायो २३ अर्ब ४६ करोड राजस्व
वीरगन्ज : वीरगन्ज भन्सार कार्यालयले चालु आर्थिक वर्ष २०८३/८४ को भदौ महिनामा २३ अर्ब ४६ करोड १५ लाख रुपैयाँ राजस्व सङ्कलन गरेको छ। भन्सार कार्यालयका अनुसार भदौ महिनाका लागि तोकिएको राजस्व लक्ष्यको ९९.७५ प्रतिशत रकम सङ्कलन भएको हो। कार्यालयले भदौमा निर्धारित लक्ष्यको करिब सम्पूर्ण हिस्सा पूरा गरेको जनाएको छ।
भदौसम्मको राजस्व सङ्कलनलाई आधार मान्दा वीरगन्ज भन्सारले चालु आर्थिक वर्षका लागि तोकिएको वार्षिक राजस्व लक्ष्यको १४.५२ प्रतिशत पूरा गरेको छ। भन्सार कार्यालयका प्रवक्ता पूर्णप्रसाद लम्सालका अनुसार आयातमा आधारित राजस्व सङ्कलनमा विभिन्न वस्तुको योगदान रहेको छ।
मूल्य तथा राजस्व योगदानका आधारमा बिस्कुट, दलहन, कपडा तथा लत्ताकपडा, औद्योगिक कच्चा पदार्थ र खाद्यान्न प्रमुख आयातित वस्तुका रूपमा रहेका छन्। कार्यालयले यस्ता प्रमुख आयातित वस्तुबाट भन्सार राजस्वमा उल्लेख्य योगदान पुगेको जनाएको छ।
