.gif)
 (1).png){kind=logo}
.png)
एमाले पोलिटब्यूरो बैठकमा कर्ण थापा र ओलीबीच ‘नोंकझोंक’
काठमाडौँ । नेकपा एमालेको पोलिटब्यूरो बैठकमा स्थायी कमिटी सदस्य कर्ण थापा र अध्यक्ष एवं प्रधानमन्त्री केपी शर्मा ओलीबीच ‘नोंकझोंक’ भएको छ । शुक्रबारको बैठकमा उनीहरुबीच सवालजवाफ भएको हो ।
बैठक सुरु हुना साथ स्थायी कमिटी सदस्य थापाले बोल्न खोजेका थिए । तर अध्यक्ष ओलीले तपाईको बोल्ने पालो आएको छैन भन्दै रोके । त्यसक्रममा उनीहरुबीच सवालजवाफ भएको वैठकमा सहभागी एक सदस्यले जानकारी दिए ।
‘प्रतिवेदन पेस पश्चात बोल्ने पालो आएपछि थापाले ७० वर्षे उमेर हद र दुई कार्यकालको कुरा उठाएका थिए, ती नेताले थापाले बोलेको कुरा उद्धृत गर्दै भने, ‘तपाई (ओली) ६० वर्षको हुँदाखेरी ७० वर्षे उमेरहदको कुरा उठेको थियो ।
त्यतिखेर तपाईले उठाउनु भयो । अहिले अब हामी ६० वर्षका भएका छौँ, तपाईं ७० वर्षको पुग्नुभयो । हामीले अहिले उक्त कुरा उठाउन किन नपाउने ?’
पोलिटब्युरो बैठकमा उपाध्यक्ष विष्णु पौडेलले तयार पारेको विधान संशोधन प्रस्ताव प्रस्तुत भएको छ । पौडेलले विधानमा गर्नुपर्ने हेरफेरसम्बन्धी प्रस्ताव पेस गरेका हुन् । पौडेलपछि महासचिव शंकर पोखरेलले संगठनसम्बन्धी प्रतिवेदन पेस गरिरका हुन् ।
