.gif)
 (1).png){kind=logo}
.png)
सभापतिमाथि भएको आक्रमणको छानबिन गर्न कांग्रेसको माग
२०८२ भदौ २९ आइतबार १७:३२ बजे
काठमाडौँ : नेपाली कांग्रेसले पार्टी सभापति शेरबहादुर देउवा दम्पतीमाथि बर्बरतापूर्ण आक्रमण भएको भन्दै छानबिन गर्न माग गरेको छ ।
आइतबार उपसभापति पूर्णबहादुर खड्काले विज्ञप्तिमार्फत सभापति देउवा र केन्द्रीय सदस्य आरजु राणामाथि अमानवीय र बर्बरतापूर्ण आक्रमण भएको बताएका छन् ।
भदौ २४ गते जेनजी आन्दोलनका क्रममा बूढानीलकण्ठस्थित घरभित्रै रहेका सभापति देउवा र तत्कालीन परराष्ट्रमन्त्री आरजुमाथि प्रदर्शनकारीहरूले कुटपिट गरेका थिए। शेरबहादुर र आरजुमाथि भएको कुटपिटसम्बन्धी भिडिओहरू सामाजिक सञ्जालमा भाइरल छ।
साथै जेएनजीले भदौ २३ र २४ गते गरेको प्रदर्शनमा युवाहरूको मृत्यु हुनु र खबौं सम्पत्तिको तोडफोड, आगजनीबाट भएको क्षतिप्रति नेपाली कांग्रेसले दुःख व्यक्त गरेको छ ।
कांग्रेस उपसभाति खड्काले छानबिन गरी कानुनी दायरामा ल्याउन सरकारसँग माग गरेका हुन् ।
