.gif)
 (1).png){kind=logo}
.png)
बाल सुधारगृहबाट निस्कन खोज्दा झडप, ५ जनाको मृत्यु, दुई घाइते
२०८२ भदौ २५ बुधबार ०९:१६ बजे
नेपालगञ्ज । बाँकेको नौबस्तास्थित बाल सुधारगृहमा झडप हुँदा ५ जनाको मृत्यु भएको छ । घटनामा दुई जना घाइते भएका प्रहरीले जनाएको छ ।
घटनामा घाइते भएकामध्ये पाँच जनाको उपचारका क्रममा भेरी अस्पतालमा ज्यान गएको हो । दुई जनाको सोही अस्पतालमा उपचार भइरहेको छ ।
गएराति सुधारगृहमा भएको झडपका क्रममा दैलेखका भुपेन्द्र खत्री, बाँकेका समिर थापा, अछामका उमेश विष्ट, कैलालीका जगत देउवा र दाङका दिनेश घर्तीमगरको ज्यान गएको हो ।
स्रोतका अनुसार मंगलबार जेनजीको आन्दोलन चर्किंदा बालसुधार गृहमा रहेकाहरु पनि भाग्न खोजेका थिए ।
उनीहरूलाई प्रहरीले रोक्न खोज्दा झडप भएको थियो ।
