.gif)
 (1).png){kind=logo}
.png)
नेपाली विशेषतामा आधारित समाजवाद जबजको विकल्प होइन : ओली
‘हिजो अदालत थियो, आज साइबर हमला छ’
.jpg)
काठमाडौं : प्रधानमन्त्री तथा एमाले अध्यक्ष केपी शर्मा ओलीले जनताको बहुदलीय जनवादको विकल्प नेपाली विशेषतामा आधारित समाजवाद नभएको बताएका छन् । यो जबजकै परिष्कृत र समृद्ध स्वरूप भएको ओलीको भनाई छ ।
आइतबार गोदावरीमा दोस्रो विधान महाधिवेशन समापन समारोहलाई सम्बोधन गर्दै ओलीले भने, ‘भ्रममा पर्नु हुँदैन-जनताको बहुदलीय जनवादको विकल्प नेपाली विशेषतामा आधारित समाजवाद होइन, यो त जबजकै परिष्कृत र समृद्ध स्वरूप हो ।’
अध्यक्ष ओलीले हिजो एमालेमाथि अदालतको हमला भएको र आज साइबर हमला भइरहेको बताए । ‘नेकपा एमाले सरकारमा छ, यस कारण हमला चारैतिरबाट छ’, प्रधानमन्त्री ओलीले भने, ‘हिजो अदालत थियो, आज साइबर हमला छ ।’
एमाले र नेतृत्वमाथि हमलाको अर्को विषय, बहाना र ठाउँ नपाएपछि एमालेले जबज छाड्यो भनेर हल्ला फिँजाइएको ओलीको गुनासो छ ।
सामाजिक सञ्जाल बन्द भएको विषयमा जेनजीहरूले सडक प्रदर्शनको तयारी गरिरहेको बेला ओलीले भने उनीहरूले देशको कानुन बुझ्ने पनि बताए । ुकतिपयले जेनजी पुस्तालाई विद्रोह गराउने कुरा पनि गर्छन्। तर जेनजी पुस्ता देशलाई माया गर्छ। देशको कानुन बुझ्छ। जेनजी पुस्ता बेथिति र हेपाहा प्रवृत्तिको विरोधी होु ओलीले भने।
