पेरिस ओलम्पिकमा भारतलाई दोस्रो पदक, मनुले बनाइन् इतिहास
![](https://nayapage.com/uploads/content/2024/07/manu-768x4562024-07-30-14-59-05.png)
काठमाडौं । जारी पेरिस ओलम्पिकमा भारतले दोस्रो काँस्य पदक जितेको छ । भारतका मनु भाकर र सरबजोत सिंहले १० मिटर एयर पेस्तोल मिक्स टिममा काँस्य पदक जितेका हुन् ।
मनु र सरबजोतको टिमले दक्षिण कोरियाको ओ ये जिन र ली वून्होलाई १६–१० ले पराजित गर्दै कांस्य पदक जितेका हुन् । यसअघि मनु भाकरले १० मिटर एयर पेस्तोलमै काँस्य पदक जितेकी थिइन् । पहिलो काँस्य पदक जितेर उनी भारतको ओलम्पिक इतिहासमा शुटिंगमा मेडल जित्ने पहिलो खेलाडी बनेकी थिइन् ।
यसका साथै मनु ओलम्पिकको इतिहासमा एकै ओलम्पिकमा दुई मेडल जित्ने पहिलो भारतीय खेलाडी समेत बनेकी छन् । यसअघि भारतका लागि पहलवान शुशील कुमार र ब्याडमिन्टन खेलाडी पीभी सिन्धुले दुई ओलम्पिक पदक जितेपनि उनीहरुले अलग अलग ओलम्पिकमा जितेका थिए ।