मंसिर लागेयता सुन तोलामा २४ हजार ६ सय सस्तियो
काठमाडौं : नेपाली बजारमा सुनचाँदीको मूल्यमा गिरावट आउने क्रम जारी छ । आइतबार सुनको मूल्य प्रतितोला २ हजार ८ सय रुपैयाँ घटेको छ ।
नेपाल सुनचाँदी व्यवसायी महासंघका अनुसार आइतबार सुन प्रतितोला २ लाख ४२ हजार ६ सय रुपैयाँमा कारोबार भइरहेको छ । शुक्रबार सुनको मूल्य प्रतितोला २ लाख ४५ हजार ४ सय रुपैयाँ थियो ।
यसैगरी, चाँदीको मूल्य पनि प्रतितोला ४५ रुपैयाँ घटेको छ । शुक्रबार ३ हजार १ सय १० रुपैयाँमा कारोबार भएको चाँदी आइतबार ३ हजार ६५ रुपैयाँ कायम भएको महासंघले जनाएको छ ।
मंसिर लागेयता सुनको मूल्य प्रतितोला २४ हजार ६ सय रुपैयाँ घटिसकेको छ । मंसिर १ गते प्रतितोला २ लाख ६७ हजार २ सय रुपैयाँ रहेको सुनको मूल्य आइतबार २ लाख ४२ हजार ६ सय रुपैयाँमा झरेको हो ।
.gif)

.png)




