दलको झोला बोके कर्मचारीलाई कडा कारबाही : गृहमन्त्री गुरुङ


२०८३ मङ्सिर ६ आइतबार ०८:३४ बजे
फाइल फोटो

काठमाडौं : गृहमन्त्री सुदन गुरुङले राष्ट्रसेवक कर्मचारीले राजनीतिक दलको पक्षमा लागेर नेताको चाकडी गरे कानुनअनुसार कडा कारबाही गर्ने चेतावनी दिएका छन् ।

उनले सामाजिक सञ्जालमार्फत कर्मचारीले आफ्नो पदीय जिम्मेवारी भुलेर जनताको सेवाभन्दा नेताको चाकडीलाई प्राथमिकता दिन नहुने बताएका हुन् । यस्तो गतिविधिमा संलग्न जोकोहीलाई कानुनबमोजिम कारबाही गरिने र त्यसमा कुनै सम्झौता नहुने उनको भनाइ छ ।

गुरुङले राष्ट्रसेवक कर्मचारीको जिम्मेवारी कुनै राजनीतिक दलको झोला बोक्ने वा नेताको चाकडी गर्ने नभई देश र जनताको सेवामा समर्पित हुने भएको स्पष्ट पारेका छन् ।

‘नेता र कर्मचारी सबैको साझा उद्देश्य एउटै हुनुपर्छ, देशप्रति समर्पित भएर जनताको सेवा गर्ने, पटकपटक स्पष्ट पारिसक्दा पनि कसैले अझै दलको झोला बोकेर राजनीति गर्न पाइन्छ भन्ने भ्रम पालेको छ भने त्यो भ्रम आजै त्यागे हुन्छ,’ उनले लेखेका छन् ।

उनले कर्मचारीलाई कसैको चाकडी नगरी जनताको दुःख बुझेर जिम्मेवारी निर्वाह गर्न र देशप्रति इमानदार रहन आग्रह गरेका छन् ।

हेर्नूहोस् गृहमन्त्री गुरुङको पोष्टः

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७