प्रहरी भएको दाबी गर्दै डान्स बार सञ्चालकलाई धम्की दिने दुई जना पक्राउ


२०८३ मङ्सिर ४ शुक्रबार १७:५९ बजे

काठमाडौं : काठमाडौं महानगरपालिका–२६ ज्याठास्थित गोल्डेन आई डान्स बारका सञ्चालक र कर्मचारीलाई आफूहरू सादा पोसाकका प्रहरी भएको दाबी गर्दै धम्की दिएको आरोपमा दुई जना पक्राउ परेका छन् ।

पक्राउ पर्नेमा काभ्रेपलाञ्चोकको महाभारत गाउँपालिका–८ घर भई भक्तपुरमा बस्दै आएका २२ वर्षीय नवराज कुँवर र १८ वर्षीय सुमन तामाङ छन् ।

उनीहरू मंसिर ४ गते मध्यरातपछि करिब साढे १२ बजे डान्स बारभित्र प्रवेश गरेको प्रहरीले जनाएको छ । बारका सञ्चालक तथा कर्मचारीसँग विवाद गर्दै धम्की दिएको आरोपमा प्रहरी वृत्त दरबारमार्गको टोलीले उनीहरूलाई नियन्त्रणमा लिएको हो ।

उनीहरूमाथि अभद्र व्यवहारसम्बन्धी कसुरमा अनुसन्धान भइरहेको प्रहरीले जनाएको छ ।

जिल्ला प्रशासन कार्यालय काठमाडौंबाट तीन दिनको म्याद थप अनुमति लिएर अनुसन्धान अघि बढाइएको छ ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७