ओलीको अडान : वैशाखमा स्थानीय र मंसिरमा प्रदेशसभा निर्वाचन हुनुपर्छ
काठमाडौं : नेकपा (एमाले)का अध्यक्ष केपी शर्मा ओलीले संविधानले तोकेको समयमै निर्वाचन हुनुपर्ने बताएका छन् ।
पार्टीबाट निर्वाचित जनप्रतिनिधिहरूको भेलालाई सम्बोधन गर्दै ओलीले संविधानअनुसार वैशाखको अन्तिममा स्थानीय तह र मंसिरमा प्रदेशसभा निर्वाचन हुनुपर्ने बताएका हुन् ।
‘संविधानले तोकेको समयमा निर्वाचन हुनुपर्छ। एक ठाउँमा संविधान मिचियो भने अर्को ठाउँमा मिचिन्छ। संविधान मिच्ने कुरामा हामी भर्याङ लगाइदिन सक्दैनौँ,’ उनले भने ।
ओलीले चुनावमा अन्तर्घात गर्ने तथा पार्टी नबदली मत बदल्नेहरूलाई एमालेमा ठाउँ नरहने पनि स्पष्ट पारे ।
.gif)

.png)




