पूर्वमुख्यसचिव एकनारायण अर्यालविरुद्ध पक्राउ पुर्जी, अर्याल फरार


२०८३ मङ्सिर ३ बिहीबार १५:५६ बजे
फाइल फोटो

काठमाडौं : मलेसिया जाने नेपाली श्रमिकमाथि ठगी प्रकरणमा पूर्वमुख्यसचिव एकनारायण अर्यालविरुद्ध पनि पक्राउ पुर्जी जारी भएको छ ।

प्रहरीको केन्द्रीय अनुसन्धान ब्युरो (सीआईबी) ले अर्यालविरुद्ध पक्राउ अनुमति लिइसकेको जनाएको छ । सीआईबीका प्रवक्ता एसएसपी अनुपमशमशेर जबराले उनको खोजी भइरहेको छ ।

यसैबीच प्रहरीले अर्याल फरार रहेको जनाएको छ । प्रहरीको केन्द्रीय अनुसन्धान ब्यूरो (सीआईबी) ले पक्राउ पुर्जीका आधारमा अर्याललाई पक्रिन खोज्दा उनी फरार भएको प्रहरीले जनाएको छ । 

‘हाम्रो टोलीले उहाँलाई खोजिरहेको छ, तर उहाँ भागेर देशबाहिर जानुभएको भन्ने सूचना पाएका छौँ’, सीआईबीका प्रवक्ता एसएसपी अनुपमशमशेर जबराले बताए ।

वैदेशिक रोजगारीका लागि मलेसिया जाने श्रमिकमाथि ठगी र त्यसबाट संकलित रकम गैरकानुनी रूपमा मलेसिया पठाउने निर्णयमा संलग्न रहेको आरोपमा प्रहरीले बुधबार दुई पूर्वमन्त्रीसहित ६ जनालाई पक्राउ गरेको थियो ।

तत्कालीन श्रम, रोजगार तथा सामाजिक सुरक्षामन्त्री शेरबहादुर कुँवर र रामेश्वर राय यादव, सचिव विनोद केसीसहितका कर्मचारीलाई पक्राउ गरेको थियो । उक्त कार्यकालमा पूर्वमुख्यसचिव अर्याल श्रम सचिव थिए ।

प्रहरीले रोजगार व्यवस्थापन महाशाखाका तत्कालीन प्रमुखद्वय उमेश ढुंगाना, राजीव पोखरेल र तत्कालीन कानुन अधिकृत निर्मला गुरुङलाई पनि पक्राउ गरेको छ ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७