ग्यास सिलिन्डरमा बढी मूल्य लिने स्टोरलाई २ लाख जरिवाना


२०८३ मङ्सिर ४ शुक्रबार ०९:३३ बजे
फाइल फोटो

काठमाडौं : एलपीजी ग्यास सिलिन्डरमा तोकिएभन्दा बढी मूल्य असुल्ने एक स्टोरलाई वाणिज्य, आपूर्ति तथा उपभोक्ता हित संरक्षण विभागले २ लाख रुपैयाँ जरिवाना गरेको छ ।

ग्यास सिलिन्डरको मूल्य बढी लिएको भन्दै उपभोक्ताले ‘हेलो सरकार’ को वेब पोर्टलमार्फत गुनासो दर्ता गराएका थिए । उक्त गुनासोपछि हेलो सरकारको समन्वयमा विभागको अनुगमन टोली सम्बन्धित स्टोरमा पुगेको थियो ।

अनुगमनका क्रममा मूल्यमा कैफियत भेटिएपछि स्टोरलाई २ लाख रुपैयाँ जरिवाना गरिएको हेलो सरकारले जनाएको छ ।

हेलो सरकारले गुनासो दर्ता गराउने उपभोक्तालाई धन्यवाद दिँदै तत्काल कारबाही प्रक्रिया अघि बढाएर सहयोग गरेको वाणिज्य, आपूर्ति तथा उपभोक्ता हित संरक्षण विभागप्रति आभार व्यक्त गरेको छ ।

सरकारले उपभोक्ता ठगी वा सार्वजनिक सेवा प्रवाहमा समस्या भए हेलो सरकारको निःशुल्क फोन नम्बर ११११ वा अनलाइन पोर्टलमार्फत गुनासो दर्ता गराउन आग्रह गर्दै आएको छ ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७