हिमाली क्षेत्रमा हल्का वर्षा र हिमपातको सम्भावना

२०८३ कार्तिक २४ मंगलबार ०७:५० बजे

काठमाडौं : देशका हिमाली तथा पहाडी क्षेत्रमा मंगलबार आंशिक बदली हुने भएको छ भने तराई क्षेत्रमा मौसम मुख्यतया सफा रहने अनुमान गरिएको छ ।

जल तथा मौसम पूर्वानुमान महाशाखाका अनुसार दिउँसो हिमाली र पहाडी भू–भागमा आंशिक बादल लाग्नेछ ।

हिमाली क्षेत्रका एक–दुई स्थानमा हल्का वर्षा तथा हिमपातको सम्भावना रहेको छ ।

महाशाखाले जारी गरेको मौसम पूर्वानुमान बुलेटिनअनुसार आज राति हिमाली क्षेत्रमा आंशिक बदली रहनेछ भने देशका बाँकी भू–भागमा मौसम मुख्यतया सफा रहनेछ ।

त्यस्तै, तराईका भू–भाग, उपत्यका तथा खोँचहरूमा बिहानपख केही स्थानमा हुस्सु तथा कुहिरो लाग्ने सम्भावना रहेको महाशाखाले जनाएको छ ।