बुढीगण्डकी बाढीमा फसेका ३६ जनाको नेपाली सेनाद्वारा उद्धार

---

नयाँ पेज

२०८३ असोज २५ आइतबार १४:५१ बजे

काठमाडौं : उत्तरी गोरखाको बुढीगण्डकी नदीमा आएको विनाशकारी बाढीमा फसेका ३६ जनाको नेपाली सेनाले उद्धार गरेको छ।

बाढीको उच्च जोखिममा परेका तथा सम्पर्कविहीन भएका क्षेत्रमा हवाई र स्थलमार्गबाट उद्धार गरिएको नेपाली सेनाले जानकारी दिएको छ।

सेनाले जगत् गाउँबाट ६, न्याक्फेदीबाट ९ र पायु क्षेत्रबाट १२ जनाको उद्धार गरेको जनाएको छ। यस्तै, यारु क्षेत्रमा फसेका एक शिशु र एक विदेशी नागरिकसहित ९ जनालाई सुरक्षित रूपमा उद्धार गरिएको छ।

बाढी प्रभावित अन्य क्षेत्रमा पनि उद्धार तथा राहतका लागि सेनाको संयुक्त द्रुत उद्धार टोली परिचालन भइरहेको नेपाली सेनाले जनाएको छ।