.gif)
 (1).png){kind=logo}
.png)
बाजुरा-१ मा नेपाली कांग्रेसका जनकराज गिरी विजयी
काठमाडौँ : प्रतिनिधिसभा सदस्य निर्वाचनअन्तर्गत बाजुरा-१ मा नेपाली कांग्रेसका उम्मेदवार जनकराज गिरी विजयी भएका छन् ।
निर्वाचन अधिकृतको कार्यालयका अनुसार गिरीले १७ हजार १७३ मत प्राप्त गर्दै निर्वाचित भएका हुन् । उनका निकटतम प्रतिस्पर्धी नेकपा (एमाले)का उम्मेदवार लालबहादुर थापाले १६ हजार ६३३ मत पाएका छन् । दुवैबीचको मतान्तर ५४० रहेको छ ।
तेस्रो स्थानमा राष्ट्रिय स्वतन्त्र पार्टीका उम्मेदवार हेमराज थापाले ३ हजार ४२८ मत प्राप्त गरे भने नेपाली कम्युनिस्ट पार्टीका नेता प्रकाश शाहले ३ हजार ४२८ मत ल्याएर चौथो स्थान हासिल गरे ।
त्यसैगरी, राष्ट्रिय प्रजातन्त्र पार्टीका उम्मेदवार केशरबहादुर शाहीले ३५२ मत, नेकपा माओवादीका उम्मेदवार भुपेन्द्र ल्वारले ३३३ मत प्राप्त गरेका छन् । प्रगतिशील लोकतान्त्रिक पार्टीका दिपककुमार डिसीले ९७ मत र स्वतन्त्र उम्मेदवार उपेन्द्र शाहीले ७२ मत प्राप्त गरेका छन् ।
