अछाम-१ मा भरतकुमार स्वार विजयी, भीम रावल पराजित

---

नयाँ पेज

२०८२ फाल्गुण २३ शनिबार १७:३८ बजे

काठमाडौं : अछाम क्षेत्र नम्बर–१ मा नेपाली कांग्रेसका उम्मेदवार भरतकुमार स्वार विजयी भएका छन्। उनले १० हजार ७५९ मत प्राप्त गरेर जीत हात पारेका हुन् । 

उनका निकटतम प्रतिद्वन्द्वी नेपाली कम्युनिष्ट पार्टी (नेकपा) का भीम रावलले १० हजार २३३ मत प्राप्त गरे । स्वार र रावल बीचको प्रतिस्पर्धा निकै कडा थियो, तर मतगणनाको अन्तिम परिणाममा स्वारले रावललाई ५२६ मतको अन्तरले पराजित गरेका हुन्।

नेकपा (एमाले) का उम्मेदवार दीपकबहादुर साउदले ७ हजार ३८९ मत प्राप्त गरे भने राष्ट्रिय स्वतन्त्र पार्टीका उम्मेदवार ओमप्रकाश रावलले एक हजार ७३९ मत प्राप्त गरेका छन्।