.gif)
 (1).png){kind=logo}
.png)
बेपत्ता दुई बालिकाको शव भेटियो
२०८२ असोज २१ मंगलबार १४:४० बजे
रौतहट : देवाही गोनाही नगरपालिका–६ कर्कच गाउँमा सोमबार बेपत्ता भएका दुई बालिकाको शव आज फेला परेको छ ।
सोमबार दिउँसो खेतको पानी बग्ने ठाउँमा नुहाउने क्रममा स्थानीय रामदयाल रामकी १२ वर्षीया छोरी आरती र शिवधारी रामकी ११ वर्षीया छोरी अन्तिमा कुमारी बेपत्ता भएका थिए ।
बेपत्ता भएको खबर प्राप्त भएपछि त्यहाँको प्रहरी र आफन्तले निरन्तर खोजी कार्य गरिरहेका थिए । खोजी कार्यमा आरतीको शव बिहानै फेला पारेका थिए भने अन्तिमाको शव केही टाढा जलकुम्भीमा अड्किएको अवस्थामा भेटिएको जिल्ला प्रहरी कार्यालय रौतहटले जनाएको छ ।
रौतहटमा डुबेर ज्यान गुमाउनेको संख्या ४ पुगेको छ भने २ युवकको चट्याङ्गका कारण ज्यान गएको छ ।
