.gif)
 (1).png){kind=logo}
.png)
वीरगञ्जमा सबैभन्दा धेरै वर्षा
काठमाडौँ : काठमाडौं उपत्यकामा पछिल्लो ६ घण्टामा नैकाप क्षेत्रमा सबैभन्दा बढी वर्षा भएको छ ।
जल तथा मौसम विज्ञान विभागका अनुसार, शनिबार बिहानसम्मको मापनमा नैकापमा ३९ मिलिमिटर वर्षा भएको छ।
विभागका मौसमविद् डेविड ढकालका अनुसार पानीपोखरीमा २५.२ मिलिमिटर, कपनमा २४.४ मिलिमिटर, सुन्दरीजलमा २१.८ मिलिमिटर र बबरमहलमा २१ मिलिमिटर वर्षा मापन गरिएको छ ।
उक्त अवधिमा देशभरमा सबैभन्दा धेरै वर्षा पर्सा जिल्लाको वीरगञ्जमा मापन गरिएको छ । वीरगञ्जमा ७८.८ मिलिमिटर वर्षा भएको जानकारी दिँदै मौसमविद् ढकालले बारा, पर्सा, सर्लाही र रौतहटमा पनि उच्च वर्षा भइरहेको बताए ।
'काठमाडौं उपत्यकामा आज दिनभर र राति पनि निरन्तर वर्षा हुने सम्भावना छ,' ढकालले भने, 'कसै-कसै समयमा वर्षा केही कम भए पनि फेरि तीव्र हुने देखिएको छ।'
काठमाडौंमा शुक्रबार राति ९ बजेबाट वर्षा सुरु भएको थियो। राति १२ बजेदेखि भने लगातार वर्षा भइरहेको छ । वर्षाका कारण उपत्यकाका केही क्षेत्रहरूमा सडकमै पानी जमेको र जनजीवन प्रभावित भएको देखिएको छ । मौसम विभागले आवश्यक सतर्कता अपनाउन सार्वजनिक आग्रह गरेको छ।
