.gif)
 (1).png){kind=logo}
.png)
काठमाडौंका जोखिमयुक्त बस्तीका बासिन्दा विद्यालयमा स्थानान्तरण
काठमाडौं : काठमाडौं महानगरपालिकाले खोला किनारका जोखिमयुक्त बस्तीमा बसोबास गर्ने बासिन्दालाई नजिकैका विद्यालयहरूमा स्थानान्तरण गर्न थालेको छ।
महानगरपालिकाको विपद् व्यवस्थापन विभागका अनुसार बागमती, विष्णुमती लगायतका खोलाहरूको जल सतहलाई निरन्तर निगरानीमा राखिएको छ । थली, बनेश्वर, कोटेश्वर र दोभान क्षेत्रका स्थानीय वडा सदस्यहरूसँग समन्वय गरी विद्यालयहरूलाई अस्थायी आश्रयस्थलका रूपमा तयार पारिएको छ।
विपद् अवस्थामा बासिन्दालाई बस्ने, सुत्ने र आवश्यक सुविधा उपलब्ध गराउन विद्यालयहरूमा शौचालय, खानेपानी र सुरक्षित स्थलको व्यवस्था मिलाउन निर्देशन दिइएको महानगरपालिकाको शिक्षा विभागले जनाएको छ ।
महानगरपालिकाले गत वर्ष जोखिममा परेका क्षेत्रहरूमा प्राविधिक टोली खटाएर निरन्तर निगरानी गरिरहेको छ ।
हालसम्म ठूलो बाढीको कुनै घटना नभए पनि सम्भावित जोखिमलाई मध्यनजर गर्दै सतर्कता अपनाइएको छ । सम्पूर्ण उद्धार तथा व्यवस्थापन कार्य काठमाडौं महानगरपालिकाको समन्वयमा सञ्चालन हुनेछ ।
