.gif)
 (1).png){kind=logo}
.png)
अर्थमन्त्री खनाल पुगे खण्डहर भाटभाटेनीको अवलोकनमा
काठमाडौं : अर्थमन्त्री रामेश्वर खनालले भाटभटेनीको कोटेश्वरस्थित भवनको अवलोकन गरेका छन् । अर्थसचिवलाई लिएर उनी जेनजी आन्दोलनका क्रममा भएको आगजनीबाट खण्डहर बनाइएको सो भवनको अवलोकन गर्न उनी कोटेश्वर पुगेका थिए ।
भाटभटेनीले फेसबुक पोस्ट गर्दै मन्त्रीको उपस्थितिले ठूलो हिम्मत र उत्साह मिलेको जनाएको छ । 'उहाँको उपस्थितिले हामीलाई दृढता र हौसला मिलेको छ, जसले हामीलाई अझ सबल भएर अघि बढ्न प्रेरित गरेको छ । भौतिक संरचना भत्किन सक्छ, तर भाटभटेनीको आत्मा कहिल्यै टुट्दैन। हामी अझ सबल भएर पुनःनिर्माण गर्नेछौं र नेपाली जनताको सेवामा निरन्तर प्रतिबद्ध रहनेछौं।'
यस अवलोकनले विषम परिस्थितिमा निजी क्षेत्रमा एक सकारात्मक सन्देश दिएको छ । अर्थमन्त्री खनालले आर्थिक संकटको बावजूद निजी क्षेत्रले देशको अर्थतन्त्रमा योगदान दिन सकिरहनुपर्ने र जसका लागि राज्यले निजी क्षेत्रलाई अझ सबल बनाउन सहयोग गर्ने सन्देश दिएका छन् ।
