.gif)
 (1).png){kind=logo}
.png)
जेनजी प्रदर्शनमा मृत्यु हुनेको संख्या ५१ पुग्यो
२०८२ भदौ २७ शुक्रबार १३:०६ बजे
काठमाडौँ: भ्रष्टाचार र साामाजिक सञ्जाल प्रतिबन्धविरुद्ध भएको जेनजी प्रदर्शनमा मृत्यु हुनेको संख्या ५१ पुगेको छ । प्रहरीका अनुसार काठमाडौं उपत्यकासहित देशभरका मृतक पनि जोडिएको छ ।
देशभर प्रदर्शनको क्रममा तीन प्रहरी, एक भारतीय महिलासहित ५१ जनाको मृत्यु भएको नेपाल प्रहरीका केन्द्रीय प्रवक्ता तथा डीआईजी विनोद घिमिरेले नयाँपेज डटकमलाई बताए ।
साथै मृत्यु भएका शवको पोस्टमार्टम सुरु भएको छ । त्रिवि शिक्षण अस्पतालका फरेन्सिक विभागका अनुसार हालसम्म ९ वटा शवको पोस्टमार्टम प्रक्रिया सुरु भएको छ ।
हालसम्म विभागमा ३६ वटा शव पुगेका छन् । जसमध्ये एक जनाको परिचय खुल्न सकेको छैन । विभागका अनुसार जिल्ला प्रहरी परिसर काठमाडौबाट पोस्टमार्टम गर्ने र शव बुझ्ने पत्र ल्याउनुपर्ने छ । अहिले यस्तो पत्र ९ जना आफन्तले ल्याएका छन् ।
