.gif)
 (1).png){kind=logo}
.png)
कम्युनिस्ट एकताको पक्षमा भूसालको अपील
काठमाडौँ : नेकपा (एकीकृत समाजवादी)का महासचिव घनश्याम भूसालले सबै कम्युनिष्ट पार्टीबीच एकता हुनुपर्ने बताएका छन् ।
नेताहरूका स्वार्थका खरानी रेखाले मात्रै आफूहरूलाई विभाजित गरेको भन्दै एकताका लागि उनले आग्रह गरेका हुन् । साथै कम्युनिष्ट आन्दोलनलाई विभाजित गर्ने सबै बन्धन चुँडाल्न तयार हुनुपर्ने पनि भुसालले बताएका छन्।
उनले सामाजिक सञ्जाल फेसबुकमार्फत एकताको अपील गर्दै भनेका छन्, ‘खासगरि नेकपा एमाले र नेकपा माओवादीको स्कूलिङ्बाट हुर्केका देशभित्र र बाहिर रहेका कमरेडहरु, हाम्रो आन्दोलनमा बौद्धिक तथा साँस्कृतिक योगदान गर्ने सबै बुद्धिजीवीहरु र यस आन्दोलनका सक्रिय समर्थक तथा शुभचिन्तकहरुलाई आह्वान गर्न चाहान्छु : हाम्रो विचार एउटै हो ।’ सबै कम्युनिाष्टहरुले एक ठाउँमा उभिने सङ्कल्प गर्नासाथ एउटा ऐतिहासिक राजनीतिक शक्ति जन्मिने उनको विश्वास छ ।
साथै, जेनजी आन्दोलनका क्रममा राजनीतिक पार्टीहरूको नालायकीपनको पराकाष्टालाई छर्लंग पारेको उनको भनाइ छ ।
मुलुकमा क्रियाशील मुख्य दलहरूको राजनीतिक संरचना र प्रक्रियाको यो भन्दा हरिविजोग हुने ठाउँ नभएको उनको भनाइ छ ।
