.gif)
 (1).png){kind=logo}
.png)
इम्बोस्ड नम्बर प्लेट जडान कार्य रोक्न सांसद सुहाङ नेम्वाङको माग
.jpg)
काठमाडौं : नेकपा (एमाले) का सांसद सुहाङ नेम्वाङले सवारीसाधनमा इम्बोस्ड नम्बर प्लेट जडान कार्य रोक्न माग गरेका छन् । बुधबार प्रतिनिधि सभाको बैठकमा बोल्दै उनले यो विषय जनतासँग प्रत्यक्ष जोडिएको गम्भीर विषय रहेको उनले बताए ।
नेम्वाङले भने, ‘सरकारले एम्बोस्ड नम्बर प्लेट जडान अनिवार्य गर्ने निर्णय गरेको छ, तर वर्तमान परिस्थितिमा यसले जनतालाई थप सास्ती मात्र बढाएको छ । सवारी प्रयोग गर्ने आम जनतामाथि पहिले नै धेरै भार छ, गाडी किन्न साथ उच्च कर, हरेक वर्ष अनिवार्य बीमा, सडक कर तिर्न लामो लाइन, र लाइसेन्स बनाउन फारम, परीक्षा र लामो प्रतीक्षा ।
गाडी किन्नासाथ उच्च कर, हरेक वर्ष अनिवार्य बिमा, सडक कर तिर्न लामो लाइन, र लाइसेन्स बनाउन फारम, परीक्षा र लामो प्रतीक्षा झेलेका जनताले इम्बोस्ड नम्बर प्लेटको कार्यान्वयनले थप सास्ती, हैरानी र झन्झट व्यहोर्नुपर्ने बताए । इम्बोस्ड नम्बर प्लेटको उद्देश्यबारे जनताको तहबाट प्रश्नहरू उठेका नेम्वाङको भनाई छ ।
यस्ता प्रश्नहरू जनताको तहबाट उठेको उनले जानकारी गराए । ‘यहाँ जनताको तहबाट प्रश्नहरू उठेका छन्, इम्बोस्ड नम्बर प्लेटको उद्देश्य के हो ? के हामी सँग पर्याप्त प्रविधि, सेवा केन्द्र र जनशक्ति छन् ?,’ उनले भने, ‘जब हजारौँ नागरिकले वर्षौँ कुर्दा पनि लाइसेन्स पाएका छैनन्, कर तिर्न दिनभर लाइन बस्नुपरेको छ । यस्तो अवस्थामा एम्बोस्ड नम्बर प्लेट किन अनिवार्य गरिँदैछ ?’
उनले आम जनताले हाम्रो भाषा र भावनासँग जोडेर पनि प्रश्न उठाएको बताए । भने, आम जनताले हाम्रो भाषा र भावनासँग जोडेर पनि प्रश्न उठाएका छन् । त्यसैले, मेरो विनम्र आग्रह छ, सरकारले तत्काल एम्बोस्ड नम्बर प्लेटको कार्यान्वयन स्थगित गरी, आवश्यक पूर्वाधार, प्रविधि र जनचेतना सुनिश्चित गरेपछि मात्र चरणबद्ध रूपमा अघि बढाइयोस् ।
