.gif)
 (1).png){kind=logo}
.png)
बाँदरेमोडमा पहिरो, पृथ्वी राजमार्ग अवरूद्ध
.jpg)
धादिङ । सुख्खा पहिरो खसेपछि पृथ्वी राजमार्ग अवरूद्ध भएको छ । आज (शनिबार) बिहान पौने ७ बजेतिर धादिङको बेनीघाट रोराङ गाउँपालिका–१० बाँदरेमोडमा सुख्खा पहिरो खसेर राजमार्ग अवरूद्ध भएको हो ।
पहिरो खसेपछि बाटो दुइतर्फी नै अवरूद्ध भएको हो । बाटो अवरूद्ध भएपछि सवारी साधनहरू रोकिएका छन् । पहिरो पन्छाएर सडक खुलाउने पहल भइरहेको जिल्ला प्रहरी कार्यालय धादिङले जनाएको छ ।
पहिरो पन्छाएर सडक खुलाउन इलाका प्रहरी पोस्ट (जवाङखोला) बाट प्रहरी हवल्दार पदमबहादुर आलेको, प्रहरी चौकी (जोगीमाराण का प्रहरी नायब निरीक्षक तेजबहादुर खरेलको र इलाका प्रहरी कार्यालय (गजुरी) का प्रहरी नायब उपरीक्षक विकास थापाको नेतृत्वमा प्रहरी टोली परिचालन गरिएको जिल्ला प्रहरी कार्यालय धादिङले जनाएको छ । पहिरो हटाउन जेसीभी प्रयोगका लागि सम्बन्धित निकायसँग समन्वय भइरहेको पनि प्रहरीले जनाएको छ ।
