.gif)
 (1).png){kind=logo}
.png)
बैठकमा ‘नोट अफ डिसेन्ट’ राख्ने स्थिति नै बनेन : ईश्वर पोखरेल
काठमाडौं : नेकपा (एमाले)का वरिष्ठ उपाध्यक्ष ईश्वर पोखरेलले बुधबारको केन्द्रीय कमिटी बैठकमा ‘नोट अफ डिसेन्ट’ लेख्ने स्थिति नै नबनेको बताएका छन् ।
बीबीसी नेपाली सेवासँगको अन्तर्वार्तामा पोखरेलले भनेका छन्, ‘उहाँ (अध्यक्ष केपी शर्मा ओली) ले कुरा राखिसकेपछि कति साथीले प्रश्न उठाउँदै हुनुहुन्थ्यो। प्रश्न उठाउँदै गर्दा ‘नोट अफ डिसेन्ट त त्यहाँ राख्ने स्थिति नै बनेन।’
त्यसको मतलब के उनलाई ‘नोट अफ डिसेन्टु लेख्न मन थियो ?’ बीबीसीको यो प्रश्नमा उनले भनेका छन्, ‘म त यो विषयमा खुला रूपमा बोल्दै आएको हुँ। त्यो त मर्यादित तरिकाले राख्ने न हो। अहिले पनि म आफ्नो धारणा माइन्यूटमा दर्ता गर्नको लागि पठाउन सक्छु नि।’
पोखरेलले पूर्वराष्ट्रपति विद्यादेवी भण्डारीको पार्टी सदस्यता राति वेबसाइटबाट हटाइएको बताए । उनले भने, ‘२०८१ सालमै उहाँले पार्टी सदस्यता नवीकरण गर्नुभएको हो । ६४१ नम्बरमा पार्टी सदस्यता छ, वेबसाइटमा राखिएको चिज राति हटाइयो भन्ने सुन्दैछु ।’
पूर्वराष्ट्रपतिलाई राजनीतिमा आउन नदिने भनेर केन्द्रीय कमिटीमा निर्णय सुनाइए पनि सधैंका लागि टुंगो नलागेको उनले बताए ।
‘सदस्यताको विषय छलफल क्लोज भएको भन्ने मलाई लाग्दैन, एकपल्ट केन्द्रीय कमिटीमा त्यसरी सुनाइसकेपछि सधैंका लागि क्लोज भएन,’ उनले भने, ‘पार्टीभित्र निम्त्याइएको बहस, विवाद जस्तो लाग्छ । सरसल्लाहले पार्टी अध्यक्षले छलफल गरेर टुंगो होला भन्ने लागेको थियो । सल्लाह र समझदारीले टुंग्याउने कुरा थियो, तेजोबध गर्ने कुरा थिएन ।’
