.gif)
 (1).png){kind=logo}
.png)
सुनचाँदीको मूल्यमा भारी वृद्धि, तोलाको कति पुग्यो ?
काठमाडौं । नेपाली बजारमा आज (बुधबार) सुनचाँदीको मूल्यमा भारी वृद्धि भएको छ । नेपाली बजारमा बुधबार चाँदीको मूल्यले नयाँ रेकर्ड बनाएको छ । आज चाँदी दुई हजार ३५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यसअघि चाँदी असार ३० गते चाँदीको मूल्यले नयाँ रेकर्ड बनाएको थियो । उक्त दिन चाँदी दुई हजार ३१५ रुपैयाँमा कारोबार भएको थियो । मंगलबारको तुलनामा चाँदी ३० रुपैयाँले बढेको छ ।मंगलबार चाँदी दुई हजार ३२० रुपैयाँमा कारोबार भएको थियो ।
सुनको मूल्य एकै दिन २१ सय रुपैयाँ बढेर कारोबार भइरहेको छ । सुन प्रतितोला एक लाख ९७ हजार ६०० रुपैयाँमा कारोबार भइरहेको महासंघले छ । सुन वैशाख ९ गते हालसम्मकै उच्च मूल्यमा कारोबार भएको थियो । वैशाख ९ गते एक लाख ९७ हजार ९०० रुपैयाँमा कारोबार भएको थियो । मंगलबार सुन प्रतितोला एक लाख ९५ हजार ५०० रुपैयाँमा कारोबार भएको थियो ।
