.gif)
 (1).png){kind=logo}
.png)
प्रदीप नेपालको साथ प्रचण्ड–माधव नेपाललाई
२०७७ पौष ८ बुधबार १७:५० बजे
काठमाडौं, ८ पुस । नेपाल कम्युनिष्ट पार्टी (नेकपा) का नेता प्रदीप नेपालले प्रचण्ड–नेपाल समूहलाई साथ दिने भएका छन् । पार्टी विभाजनको विषयमा मौन बस्दै आएका नेता नेपाल पार्टी विभाजनपछि प्रचण्ड–नेपालको पक्षमा उभिएका हुन् ।
नेता नेपालले प्रचण्ड–माधव नेपाल समूहको केन्द्रीय कमिटी वैठकको माइन्यूटमा समेत हस्ताक्षर गरेको स्रोतले जानकारी दिएको छ ।
पार्टी विभाजनअघि माधवकुमार नेपाल, नारायणकाजी श्रेष्ठलगायतका नेताहरु प्रदीप नेपालको निवासमै गएर पार्टीभित्रको आन्तरिक समस्याका बारेमा सल्लाह–सुुझाव समेत माग्दै आएका थिए ।
प्रतिनिधिसभा विघटनसँगै नेकपा विभाजित भइसकेको छ । नेपाल पुराना र प्रभावशाली कम्युनिष्ट नेता हुन् । भूमिगत माले र एमालेमा उनी कुशल संगठनका रुपमा चिनिन्छन् । नेता प्रदीप नेपाल स्वास्थ्य समस्याका कारण राजनीतिमा सक्रिय रुपमा लागेका छैनन् ।
