डेविड मलानको अर्धशतकमा चितवनले विराटनगरलाई दियो १५८ रनको लक्ष्य

---

नयाँ पेज

२०८३ कार्तिक ११ मंगलबार १४:१९ बजे

काठमाडौं : नेपाल प्रिमियर लिग (एनपीएल) को तेस्रो संस्करणअन्तर्गत आजको पहिलो खेलमा चितवन राइनोजले विराटनगर किंग्सलाई १५८ रनको लक्ष्य दिएको छ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको चितवनले निर्धारित २० ओभरमा तीन विकेट गुमाएर १५७ रन बनाएको हो।

चितवनका लागि डेविड मलानले सर्वाधिक ७० रन बनाए। उनले पाँच छक्का र पाँच चौका प्रहार गरे। रवि बोपारा ३२ रन तथा डान मोस्ली २९ रनमा अविजित रहे। देव खनालले १२ रनको योगदान दिए।

विराटनगरका बलर एन्जेलो म्याथ्युज, आन्द्रे रसेल र चरिथ असलंकाले एक–एक विकेट लिए।

अब विराटनगरले जितका लागि २० ओभरमा १५८ रन बनाउनुपर्नेछ।