.gif)
 (1).png){kind=logo}
.png)
कांग्रेस पिछडिएको क्षेत्रबाट सहमहामन्त्रीमा जीवनबहादुर शाहीसहित तीन जना निर्वाचित
काठमाडौं : नेपाली कांग्रेसको १५औँ महाधिवेशनअन्तर्गत पिछडिएको क्षेत्रबाट सहमहामन्त्री र केन्द्रीय सदस्यका तीन पदको मतपरिणाम सार्वजनिक भएको छ।
मंगलबार सम्पन्न मतगणनाबाट सहमहामन्त्रीमा जीवनबहादुर शाही, खुला केन्द्रीय सदस्यमा दीपकजंग शाह र महिला केन्द्रीय सदस्यमा सुशीला मिकत निर्वाचित भएका छन्।
निर्वाचन समितिका अनुसार सहमहामन्त्री (पिछडिएको क्षेत्र) मा शाहीले ३ हजार ९०६ मत प्राप्त गर्दै जित हासिल गरेका हुन्।
उनका प्रतिस्पर्धी जनकराज गिरीले १ हजार ३७०, नारायणप्रसाद भट्टराईले ७२१, राजन कुँवरले ३२४ र रामबहादुर बिस्टले २६० मत प्राप्त गरे।
त्यस्तै, केन्द्रीय सदस्य (पिछडिएको क्षेत्र, खुला) मा दीपकजंग शाह २ हजार २६१ मतसहित निर्वाचित भएका छन्।
उनका प्रतिस्पर्धी तपेन्द्र खड्काले २ हजार ४४ मत प्राप्त गर्दा कालीबहादुर सहकारीले ८७७, ईश्वरबहादुर मल्लले ७८१ र वीरेन्द्रराज गिरीले ५३४ मत पाए।
महिला केन्द्रीय सदस्य (पिछडिएको क्षेत्र) मा सुशीला मिकतले २ हजार ९८६ मत प्राप्त गर्दै जित हासिल गरेकी छन्। उनकी प्रतिस्पर्धी जुना कुमारी दानीले २ हजार १० र शान्तिकुमारी बोहरा पुजाराले १ हजार ५३३ मत प्राप्त गरिन्।
तीन पदको मतगणना सम्पन्न भएसँगै कांग्रेसको १५औँ महाधिवेशनमा पिछडिएको क्षेत्रबाट सहमहामन्त्री तथा केन्द्रीय सदस्यका लागि भएको निर्वाचनको परिणाम सार्वजनिक भएको छ।
