विश्वप्रकाश शर्मा वरिष्ठ उपसभापतिमा निर्विरोध

---

नयाँ पेज

२०८३ असोज २० मंगलबार २२:५० बजे

काठमाडाैं : नेपाली कांग्रेसको वरिष्ठ उपसभापतिमा विश्वप्रकाश शर्मा निर्विरोध निर्वाचित भएका छन्। कांग्रेसको १५औँ महाधिवेशनअन्तर्गत मंगलबार साँझ ७ बजेसम्म उम्मेदवारी दर्ताको समय तोकिएको थियो।

उक्त समयसम्म वरिष्ठ उपसभापतिमा शर्माको मात्रै उम्मेदवारी परेको कांग्रेसको केन्द्रीय निर्वाचन समितिले जनाएको छ।

यसअघि गत पुसमा भएको विशेष महाधिवेशनबाट शर्मा उपसभापति चयन भएका थिए। त्यसअघि २०७८ सालमा भएको १४औँ महाधिवेशनबाट उनी महामन्त्री निर्वाचित भएका थिए।