एमबाप्पे बने सर्वाधिक गोलकर्ता

मेसीलाई पछि पार्दै एमबाप्पेले बनाए विश्वकपमा सर्वाधिक गोलको कीर्तिमान

---

नयाँ पेज

२०८३ श्रावण ३ आइतबार ०५:२८ बजे

काठमाडौं :  फ्रान्सका कप्तान किलियन एमबाप्पे फिफा विश्वकपको इतिहासमा सर्वाधिक गोल गर्ने खेलाडी बनेका छन् । जारी फिफा विश्वकप २०२६ अन्तर्गत इंग्ल्यान्डविरुद्धको खेलमा दुई गोल गर्दै एमबाप्पेले यो ऐतिहासिक कीर्तिमान आफ्नो नाममा लेखाएका हुन् ।

यससँगै एमबाप्पेले विश्वकपको कुल इतिहासमा २२ गोल पूरा गरेका छन् । उनले आफ्नो खेल जीवनको तीनवटा विश्वकप सहभागितामा यो आँकडा पार गरेका हुन् । यसअघि यो कीर्तिमान अर्जेन्टिनाका लियोनल मेसीको नाममा थियो, जसले विश्वकपमा कुल २१ गोल गरेका थिए ।

एमबाप्पेले जारी विश्वकपमा पनि आफ्नो लयलाई कायमै राख्दै मेसीलाई पछि पारेका छन् । यस संस्करणमा मात्र एमबाप्पेले १० गोल गरिसकेका छन् भने मेसीले ८ गोल गरेका छन् । विश्वकपको मञ्चमा गोल मेसिनका रूपमा उदाएका एमबाप्पेको यो उपलब्धिले उनलाई विश्व फुटबलको नयाँ उचाइमा स्थापित गरेको छ ।