.gif)
 (1).png){kind=logo}
.png)
अध्यादेश र सुकुम्वासी मुद्दामा कांग्रेसको बैठक
काठमाडौँ: नेपाली कांग्रेसका सभापति गगनकुमार थापाले पार्टीका तर्फबाट प्रतिनिधि सभामा रहेका सांसदहरूलाई संसदीय भूमिकाबारे विशेष प्रशिक्षण दिने बताए। सिंहदरबारस्थित कांग्रेस संसदीय दलको कार्यालयमा आज दिउँसो १ बजे बस्ने बैठकमा सांसदहरूलाई संसद्मा कसरी प्रभावकारी रूपमा प्रस्तुत हुने भन्ने विषयमा उनले प्रशिक्षित गर्ने बताए।
कांग्रेस संसदीय दलका नेता भीष्मराज आङदेम्बेको सचिवालयका अनुसार संसद् बैठकमा सांसदहरूले निर्वाह गर्नुपर्ने जिम्मेवारी र प्रस्तुतिका सम्बन्धमा सभापति थापाले सहजीकरण गर्ने कार्यसूची रहेको छ।
प्रशिक्षणका अतिरिक्त यस बैठकमा समसामयिक राजनीतिक मुद्दाहरूमा पनि छलफल हुनेछ। विशेषगरी सरकारको सिफारिसमा जारी भएका अध्यादेशहरू र सुकुम्वासी समस्याका सम्बन्धमा पार्टीले कस्तो अडान लिने भन्ने विषयमा सांसदहरूबीच साझा धारणा बनाइने जनाइएको छ। स्रोतका अनुसार सदनमा पार्टीको उपस्थितिलाई थप सशक्त बनाउन यो बैठक आह्वान गरिएको हो।
