.gif)
 (1).png){kind=logo}
.png)
एमाले महाधिवेशन : १० घण्टामा ११ सय मत खस्यो
२०८२ पौष २ बुधबार २०:१२ बजे
काठमाडौँ : नेकपा एमालेको ११औँ महाधिवेशनमा आज मतदान प्रक्रिया जारी छ ।
बिहान सवा ९ बजेदेखि सुरू भएको मतदानमा साँझ ७ बजेसम्म करिब ११०० प्रतिनिधिले मतदान गरेका छन् । पार्टी निर्वाचन आयोगका अनुसार, महाधिवेशनमा २२ सय ६२ जना प्रतिनिधि छन् ।
रामलक्ष्मण इनोभेसन प्रालिका लक्ष्मण रिमालले भने अनुसार सबै प्रतिनिधिको मतदान बिहीबार बिहान ७ बजेसम्म सकिने अनुमान छ ।
महाधिवेशनमा अध्यक्षसहित १९ पदाधिकारी, ३०१ केन्द्रीय सदस्य (केही निर्विरोध भइसकेका) र ३ वटा आयोगका पदाधिकारीका लागि मतदान भइरहेको छ ।
मतदान भृकुटीमण्डपमा भइरहेको छ र प्रत्येक मतदातालाई करिब २५ देखि ४० मिनेटको समय लाग्ने बताइएको छ । मतदान विद्युतीय मेसिनमार्फत हुँदैछ ।
