.gif)
 (1).png){kind=logo}
.png)
प्रहरीले माग्यो आगजानी र लुटपाट गर्नेको प्रमाण
२०८२ भदौ २७ शुक्रबार १८:०० बजे
काठमाडौं : नेपाल प्रहरीले ‘जेनजी’को प्रदर्शनका क्रममा भएका अप्रिय घटनासँग सम्बन्धित तस्बिर तथा भिडियो सर्वसाधारणसँग मागेको छ । प्रहरीले शुक्रबार (भदौ २७) एक सूचना प्रकाशित गर्दै सर्वसाधारणसँग भदौ २३ र २४ गते देशभर भएका अप्रिय घटनाको तस्बिर तथा भिडियो मागेको हो ।
प्रहरीले भनेको छ, ‘यही भदौ २३ र २४ गते काठमाडौं उपत्यकालगायत देशका विभिन्न स्थानहरूमा भएको विरोध प्रदर्शन तथा आन्दोलनका क्रममा घटेका विभिन्न अप्रिय घटना, आगजनी, लुटपाट, आमसर्वसाधारणमा त्रास श्रृजना हुने किसिमका अन्य विविध घटनाहरूसँग सम्बन्धित तस्बिर, भिडियो तथा विभिन्न सामाजिक सञ्जालका लिंकहरू तपाईंहरूसँग छ भने कृपया हामीलाई ‘नेपालपुलिसइनफो एट जिमेल डट कम’ मा पठाई सहयोग गर्नुहुन अनुरोध गर्दछौँ ।’
प्रहरीले तस्बिर तथा भिडियो पठाउनेको परिचय गोप्य राखिने जनाएको छ ।
