.gif)
 (1).png){kind=logo}
.png)
बस्न सकेन संसद वैठक, बिहीबारसम्मका लागि स्थगित
काठमाडौं । प्रतिनिधिसभाको बैठक बिहीबारसम्मका लागि स्थगित भएको छ । संसद् सचिवालयले सूचना टाँस गर्दै वैठक बिहीबार बिहान ११ बजेसम्मका लागि बैठक स्थगित भएको जनाएको छ।
राष्ट्रिय स्वतन्त्र पार्टी र राप्रपाले भिजिट भिसा प्रकरणमा गृहमन्त्री रमेश लेखकमाथि छानबिन र राजीनामा माग गर्दै आइरहेका छन्। उनीहरूले जेठ १३ गतेदेखि लगातार यही विषयमा सदनमा विरोध गर्दै आइरहेका छन् ।
गत बिहीबारसम्म प्रमुख प्रतिपक्षी दल नेकपा माओवादी केन्द्रले पनि सोही माग राख्दै आएको थियो तर शुक्रबार माओवादीले कांग्रेस र एमालेसँग दुई बुँदे सहमति गर्दै सदन सञ्चालनमा अवरोध बन्द गरेको थियो । भिजिट भिसाको मुद्दालाई प्रमुख प्रतिपक्षी नेकपा माओवादी केन्द्रले सहमतिमा टुङग्याए पनि रास्वपा र राप्रपाले निरन्तर सदन अवरुद्ध गर्दै आएका छन्। आज (मंगलबार) पनि वैठक सुुरु हुनासाथ उनीहरुले उठेर विरोध जनाएका थिए। आज रास्वपाका सांसदहरु निलो रङको रिवन गलामा लगाएर संसदमा उपस्थित थिए।
