.gif)
 (1).png){kind=logo}
.png)
‘भिजिट भिसा’ को मुद्दा मैले छोडे पनि जनताले छाड्ने कुरा हुँदैन : प्रचण्ड
चितवन । प्रमुख प्रतिपक्षी नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले ‘भिजिट भिसा’ अहिलेको मात्र समस्या नभएको बताएका छन्। प्रेस सेन्टर चितवनले आज (मंगलबार) प्रचण्डको निजी निवास शिवनगरमा आयोजना गरेको पत्रकार सम्मेलनमा उनले भिजिट भिसा समस्या २०६४ सालदेखि भएको बताएका हुन्। ‘यो २०६४ सालदेखि चल्दै आएको छ भन्ने कुरो तपाईंहरूले पनि थाहा पाउनु भएको छ र हामीले पनि थाहा पाएकै छौं,’ उनले भने । यस विषयमा छानबिन र नीतिगत सुधार गर्नुपर्ने उनको भनाइ छ।
यो मुद्दालाई त्यत्तिकै नछाड्ने उनले बताएका छन्। यसका लागि जरुरी परे संविधान संशोधन, ऐन निर्माण र नीतिगत निर्णय गर्नु परे पनि गरिने उनको धारणा छ। उनले भने, ‘मैले छोडेर पनि यो मुद्दा नेपाली जनताले छाड्ने कुरा हुँदैन।’ प्रचण्डले आफूहरू प्रतिपक्षमा भए पनि सत्ता पक्षको जस्तो भूमिका निर्वाह गर्दै आएको बताएका छन्। ‘हामीले संविधानका निम्ति, ऐन कानुनका निम्ति, सिस्टमका निम्ति सत्तापक्षको भूमिका खेल्नु पर्ने बाध्यता छ,’ उनले भने ।
अध्यक्ष प्रचण्डले बजेट पारित गर्नुपर्ने, संघीय निजामती सेवा ऐन र विद्यालय शिक्षा ऐन जारी गर्नुपर्ने, शान्ति प्रक्रियाका बाँकी काम पूरा गर्नुपर्ने लगायतका जिम्मेवारीबोधका साथ ३० दिनभित्र छानबिन समिति बनाउने सर्तमा संसद्को अवरोध खुलाउन सहमति गरिएको स्पष्ट पारे ।
