.gif)
 (1).png){kind=logo}
.png)
अनेरास्ववियुको अध्यक्षमा ७ मतले कडरिया निर्वाचित
काठमाडौं : नेकपा एमालेको भ्रातृ सस्था अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को अध्यक्षमा डा. सुजन कडरिया विजयी भएका छन्।
आफ्ना प्रतिस्पर्धी प्रकाश पौडेललाई ७ मतको झिनो अन्तरले पराजित गर्दै कडरिया अखिल अध्यक्षमा निर्वाचित भएका हुन्।
कडरियाले ७३२ मत ल्याएर अध्यक्ष जित्दा पौडेलले ७२५ मत ल्याए । डा. कडरिया अध्यक्ष पार्टी अध्यक्ष केपी ओलीले समर्थन गरेको उम्मेदवार हुन् । पौडेलले भने अध्यक्ष मण्डलको प्रस्तावप्रति असहमतहरूलाई समेटेर प्यानल बनाएका थिए ।
अध्यक्ष ओलीको निर्देशन भन्दै अध्यक्ष मण्डलको तर्फबाट स्थायी कमिटी सदस्य भानुभक्त्त ढकालले कडरियाको नाम प्रस्ताव गरेपछि हलमै नाराबाजी भएको थियो ।
ढकालले सर्वसम्मत नेतृत्व चयन गर्ने भन्दै अध्यक्षमा कडरिया, उपाध्यक्षमा पौडेल, अन्जना शिवाकोटी र महासचिव दीपक धामीको नाम प्रस्ताव गरेका थिए । तर उक्त प्रस्तावविरुद्ध हलमा नै नाराबाजी लाग्यो ।
डा.कडरिया पार्टीको आधिकारिक उम्मेदवार भन्दै पार्टीका तलसम्मको संरचनामा अनौपचारिक सर्कुलर समेत गरिएको थियो । पार्टी र अखिलको संस्थापन लाग्दा पनि पौडेलले कडा टक्कर दिएका छन् ।
महासचिवमा दीपक धामी र उपमहासचिवमा कमल जोशी विजयी भएका छन् । त्यस्तै सचिवमा आकाश घर्ती,रचना सापकोटा,गोपाल नेपाल र ससीम बाबु खाम विजयी भए ।
