वनभोजबाट फर्कदै गरेको स्कुल बस दुर्घटना : १८ विद्यार्थी घाइते

---

नयाँ पेज

२०८१ मङ्सिर ८ शनिबार २३:०० बजे

चितवन । चितवनको उपरदाङगढीमा वनभोज (पिकनिक) खाएर फर्कँदै गरेको स्कुल बस दुर्घटनामा परेको छ ।कालिका नगरपालिका–४ पदमपुरस्थित चित्रवन माविको मधेश प्रदेश ०३–०११ क २६७७ नम्बरको बस आज साँझ ५ बजे कालिका नगरपालिका–९ द्रब्यटारमा बस दुर्घटनामा परेको जिल्ला प्रहरी कार्यालय चितवनले जानकारी दिएको छ।

दुर्घटनामा चालकसहित १८ जना विद्यार्थी घाइते भएको जिल्ला प्रहरी कार्यालय चितवनका प्रहरी निरीक्षक लक्ष्मण केसीले जानकारी दिए । घाइतेमध्ये दुईको अवस्था गम्भीर रहेको जनाइएको छ ।

अहिले चितवन मेडिकल कलेजमा १० र पुरानो मेडिकल कलेजमा ८ जनाको उपचार भइरहेको केसीले जानकारी दिए। उनका अनुसार ३० जना विद्यार्थीसहित ३६ जना बसमा सवार थिए । पिकनिक खाएर फर्किदै गर्दा ब्रेक फेल भएर सवारी दुर्घटना भएको उनले बताएका छन् । घाइतेहरूको सम्पूर्ण विवरण आइसकेको छैन ।