.gif)
 (1).png){kind=logo}
.png)
कांग्रेसको भ्रातृ संस्थाको महाधिवेशन गराउन केन्द्रीय निर्देशन समिति, कुनकाे को संयोजक ?
काठमाडौँ । सत्तारुढ नेपाली कांग्रेसले विभिन्न भ्रातृ संगठनहरुको महाधिवेशन गराउन महाधिवेशन केन्द्रीय निर्देशन समिति गठन गरेको छ । केन्द्रीय कार्यसमितिको साउन २३ गतेको निर्णय अनुसार कांग्रेसले नेपाल महिला संघ, नेपाल तरूण दल र नेपाल विद्यार्थी संघको महाधिवेशन केन्द्रीय निर्देशन समिति गठन गरेको हो ।
महाधिवेशन २०८१ चैत्र मसान्सम्ममा अनिवार्य रुपमा सम्पन्न गर्न गराउन केन्द्रीय समितिले निर्देश गरेको थियो । विद्यमान तदर्थ समितिलाई समन्वय र सहयोग पुर्याई आवश्यक निर्देशन समेत गर्न सभापति शेरबहादुर देउवाले पार्टीको विधान, २०१७ (संशोधन सहित) को धारा २५ (९) बमोजिम भ्रातृ संस्थाहरूको महाधिवेशन केन्द्रीय निर्देशन समिति देहाय बमोजिम गठन गरेको छ ।
नेपाल महिला संघ महाधिवेशन केन्द्रीय निर्देशन समिति
१. सहमहामन्त्री उमाकान्त चौधरी-संयोजक
२. केन्द्रीय सदस्य पुष्पा भुसाल-सदस्य
३. केन्द्रीय सदस्य रुक्मिणी कोइराला-सदस्य
नेपाल तरुण दल महाधिवेशन केन्द्रीय निर्देशन समिति
१. सहमहामन्त्री महालक्ष्मी उपाध्याय ‘डिना’-संयोजक
२. केन्द्रीय सदस्य सरिता प्रसाई -सदस्य
३. केन्द्रीय सदस्य जीतजंग बस्नेत -सदस्य
नेपाल विद्यार्थी संघ महाधिवेशन केन्द्रीय निर्देशन समिति
१. सहमहामन्त्री किशोर सिंह राठौर-संयोजक
२. केन्द्रीय सदस्य राजीव ढुंगाना-सदस्य
३. केन्द्रीय सदस्य प्रतिमा गौतम-सदस्य
