यी हुन् बजेटका पाँच प्राथमिकता
![](https://www.nayapage.com/wp-content/uploads/2024/05/budget-2.jpg)
काठमाडौं । अर्थमन्त्री वर्षमान पुनले आउँदो आर्थिक वर्षको बजेटमा पाँचवटा प्राथामिकता निर्धारण गरिएको बताएका छन् । संसदमा उनले अहिले बजेट भाषण गरिरहेका छन् ।
बजेटका पाँच उद्देश्य रहेको उनले बताए । उनले उत्पादन, उत्पादक र रोजगारी वृद्धि, निजीक्षेत्रको मनोबल बढाउँदै आर्थिक क्रियाकलपमा तीव्रता ल्याउने, मावन संशाधनको विकास गर्ने र स्रोत र साधनलाई सन्तुलित तथा समन्यायिक ढंगमा परिचालित गरेर आर्थिक असामानता र गरिबी न्यूनीकरण गर्ने र सार्वजनिक सेवा प्रभावहलाई प्रभावकारी बनाउने उद्देश्य रहेको बताएका छन् ।
आर्थिक सुधारका लागि निजीक्षेत्रको प्रवर्धन, कृषि, ऊर्जा, सूचना प्रविधि, औद्योगिकीकरण, पर्यटन र विकास पूर्वाधार निर्माण, शिक्षा, स्वास्थ्य लगायत सामाजिक क्षेत्रको विकास, सुशासन प्रवर्द्धन तथा सार्वजनिक सेवा प्रवाहमा सुधार क्षेत्र तोकिएका छन् ।