.gif)
 (1).png){kind=logo}
.png)
कर्णालीको विकासको अवरोध भनेकै यामलाल कँडेल : थापा
सुर्खेत, २ भदौं । कर्णाली प्रदेशका भौतिक पूर्वाधार विकास मन्त्री समेत रहेका नेकपा एमाले माधव नेपाल समूहका नेता अम्मरबहादुर थापाले कर्णालीको विकासको अवरोध भनेकै यामलाल कँडेल भनेर टिप्पणी गरेका छन् ।
यामलाल कँडेलकै कारण तत्कालीन नेकपाको राजनीति सङ्कटमा परेको भन्दै यस्तो टिप्पणी गरेका हुन् । मंगलबार एमाले जिल्ला कमिटी सुर्खेतको पूर्ण बैठकमा उनले भने, ‘यामलाल कँडेलकै आपराधिक चरित्रका कारण हामीले ‘फ्लोर क्रस’ गरेको हौं ।’
माधव नेपाल ज्युको ‘गो अहेड’ भनेर फोन गर्नुभयो । उहाँको निर्देशनलाई पालना गरिएको हो’, उनले भने, ‘कँडेलले बैठकमा हामीलाई महेन्द्रबहादुर शाहीलाई भोट दिएको खण्डमा हात काटिन्छ भनेर थर्काउनुभयो। हामीले हाल्यौं त, कसैको तागत छ हात खुट्टा भाँच्ने ?’
उनले आक्रोशित हुँदै भने, ‘आपराधिक चरित्र भएकालाई मैले समर्थन गर्ने ? अहँ हुनै सक्दैन । अब, कर्णालीमा ओली समूहलाई धुलो चटाउँछौं । हुन त मेरो कार्यकाल धेरै लामो छैन’ थापाले भने, ‘आफ्नो समयावधिसम्म प्रतिफल आउने गरी काम गर्छु । शनिबार पनि जनताका बीचमा गएर जनताका भावना बुझ्ने प्रयास गरिरहेको छु ।’
