कोठा खोज्दै रेष्टुरेन्ट पुगेकी युवतीमाथि ठमेलमा सामुहिक बलात्कार
काठमाडौं, १२ मंसिर । काठमाडौंको पर्यटकीय शहर ठमेलमा एक युवती सामुहिक बलात्कारको शिकार बनेकी छन् ।
![](http://www.nayapage.com/wp-content/uploads/2018/09/rape-768x360.jpg)
काठमाडौं–२७ ठमेलस्थित एक चाइनिज रेस्टुरेन्टमा २२ वर्षीया युवती बलात्कृत भएको प्रहरीले जनाएको छ । बलात्कारमा संलग्न भएको आरोपमा प्रहरीले ५ जनालाई पक्राउ गरेको छ ।
पक्राउ पर्नेमा गोरखाका १८ वर्षीय विराज गुरुङ, काभ्रेका १७ वर्षीय सोम तामाङलगायत छन् । काठमाडौं प्रहरी परिसरका डीएसपी होविन्द्र बोगटीका अनुसार घटनास्थल नजिक रहेका तथा जबरजस्ती करणीको प्रयास गर्ने थप तीन जनालाई पनि पक्राउ गरिएको छ ।
पक्राउ पर्ने अन्यको भने नाम खुलाइएको छैन । क्वासी चाइनिज होटल एण्ड रेष्टुरेन्टको रुटाफ रुपमा कोठा खोज्दै पीडित युवती पुगेकी थिइन् ।
त्यही क्रममा उनी बलात्कृत भएको भन्दै महागनरीय प्रहरी वृत्त, लैनचौरमा जाहेरी परेपछि उनीहरुलाई पक्राउ गरिएको हो । थप अनुसन्धान भइरहेको प्रहरीको भनाइ छ ।