पुष्पलालका मीत मणिराज उपाध्यायको नजरमा पुष्पलाल {अन्तर्वार्ता}

---

नयाँ पेज

२०७५ श्रावण ७ सोमबार ०१:१३ बजे

उहाँलाई म अति शिष्ट, सभ्य र बौद्धिक व्यक्तित्वका रूपमा लिन्थें भने मलाई पनि उहाँले अति श्रद्धाका रूपमा हेर्नु्हुन्थ्यो । र, मैले प्रकाशन गर्ने गरेको ‘दैनिक समाज’को उहाँ फ्यान नै हुनुहुन्थ्यो । यस्तै अनेक कारणले हामी नजिक थियौं ।

पुष्पलाल र मेरो असाध्यै राम्रो सम्बन्ध थियो । उहाँले पत्रिकालाई कहिल्यै पनि हतियार बनाउन चाहनुभएन । सबैभन्दा महानता उहाँको त्यहीँ थियो ।

देशका लागि उहाँले धेरै गर्न खोज्नुभएको थियो । तर, गर्न खोजेको उहाँले पूरा गर्न पाउनुभएन । उहाँले जे गर्न खोज्नुभएको, त्यो बाहिरै आउँदैनथ्यो । किनकि, उहाँहरू बस्ने ठाउँ बनारसका प्रत्येक आश्रयस्थल सीआईडीले भरिएका हुन्थे । कहीँ केही कुरा बाहिर ल्याउने स्थिति नै थिएन ।