.gif)
 (1).png){kind=logo}
.png)
पर्सामा पटका पड्काउँदा पाँच वर्षीय बालकको मृत्यु
२०८३ कार्तिक २३ सोमबार ०९:५१ बजे
2026-11-09-09-52-35.jpg)
पर्सा : पटका पड्काउने क्रममा जलेर पर्सामा पाँच वर्षीय बालकको मृत्यु भएको छ । पकाहाँ मैनपुर गाउँपालिका–२, मधुबनीका स्थानीय मखु सहनीका छोराको पटका पड्काउने क्रममा जलेर मृत्यु भएको हो ।
सोमबार बिहान करिब ८ः३० बजे पटका पड्काउँदा बालकको छातीमा आगो लागेको थियो । गम्भीर रूपमा जलेर बेहोस भएका उनलाई तत्काल उपचारका लागि वीरगञ्जस्थित तराई अस्पताल लगिएको थियो ।
तर उपचारकै क्रममा बालकको मृत्यु भएको उनका बुबा मखु सहनीले बताए । घटनाबारे थप अनुसन्धान भइरहेको डीएसपी चक्रबहादुर मल्लले जानकारी दिए ।
