.gif)
 (1).png){kind=logo}
.png)
मधेस सरकारबाट बाहिरियो एमाले
चार मन्त्रीले दिए राजीनामा
काठमाडौं : मधेस प्रदेश सरकारबाट नेकपा (एमाले) बाहिरिएको छ। सरकार गठनका बेला सत्तारूढ दलहरूबीच भएको १५ बुँदे सहमति कार्यान्वयन नभएको भन्दै एमालेले सरकारलाई दिएको समर्थन फिर्ता लिएको हो।
एमाले मधेस प्रदेश संसदीय दलका नेता सरोज यादवले शुक्रबार प्रदेश प्रमुखलाई पत्र लेख्दै सरकारलाई दिएको समर्थन औपचारिक रूपमा फिर्ता लिएको जानकारी गराएका छन्।
समर्थन फिर्ता लिएसँगै मधेस प्रदेश सरकारमा सहभागी एमालेका चारै जना मन्त्रीले शुक्रबार नै मुख्यमन्त्री यादवसमक्ष राजीनामा बुझाएका छन्। राजीनामा दिनेमा मन्त्रीहरू मोहम्मद समीर, लखन दास तत्मा, शारदा देवी थापा र मनोज कुमार सिंह रहेका छन्।
सरकार गठनका बेला भएको १५ बुँदे सहमति कार्यान्वयन नभएको विषयलाई एमालेले सरकारबाट बाहिरिने मुख्य कारण बनाएको छ। एमालेको समर्थन फिर्ता र चार मन्त्रीको राजीनामासँगै मधेस प्रदेश सरकारको राजनीतिक समीकरणमा परिवर्तन आएको छ।
